آذربایجاندا قدیم قیش ائولری و ائولرین قیزدیریلماسی

قیش مؤوسومونون داها سویوق و چتین کئچدیی دؤنملرده، اقتصادی جهتدن ضعیف اولان خالق اوچون قیش هم آغیر، هم ده سیخینتیلی کئچردی. بونون اوچون خالقیمیز اونا حاضیرلیغا خصوصی اؤنم وئررمیش. قیش ایلین ائله فصلیدیر کی، اینسانلارین ایستیلییه بؤیوک احتیاجی واردیر. بونون ایکی طرفی مؤوجوددور. یاشاییش یئرینین ایستیلیگی،ایینین و قارینین (بدنین) ایستیلیگی .ائتنوقرافیک جهتدن آراشدیردیغیمیز اساس مسئلهلردن بیری ده قیش ائولری و ائولرین قیزدیریلماسیدیر. بیز بو یازیمیزدا اساس دقتی مؤوسومه اویغون اولاراق یاناسیلارین ییغیلماسی، ائولرین قیزدیریلماسی مسئلهسینه ده یؤنلدهجهییک.ائولرین قیزدیریلماسی مسئلهسینده اساس ایشلره ائولرین اینشاسی زامانی دقت یئتیریلیردی. بو جور ائولره مؤهره، کاها، قازما ائو تیپلری عاییددیر. تاریخدن بللیدیر کی، بو جور ائولر هله میلاددان اول مؤوجود اولموشدور. بؤلگهنین طبیعی شرایطی بورادا موختلیف تیپ ائولرین اولماسینا شرایط یاراتمیشدیر. بئله ائولر یایدا سرین،قیشدا ایستی اولاردی. خالق آراسیندا بو گونده بئله ائولره قیش ائولری دئیرلر. ائولری اینشا ائدرکن ایلک نؤوبهده کولهیین ایستیقامتی، قیشدا یاغان قارین آسانلیقلا اریییب گئتمهسی و ... مسئلهلره دقت یئتیریلیردی. عادتاً بو جور ائولرین ایستیقامتی گونهچیخان طرفه باخیردی. ی.زئینال اوو یازیر کی، چونکی، اگر ائوین یؤنومو قربه طرف باخیرسا، گونش باشیمیزین اوستونده کی نقطهسینی کئچدیکدن سونرا شعاسی قرب سمته دؤیجهلیر و نتیجهده ائوین ایچی بورکو اولاردی. بو هم ده دینی کاراکتر داشیییردی، یعنی ائولر قیبلهیه تیکیلیردی .یوخاریدا قئید ائتدیک کی، ائولرین تیکینتیسی زامانی بعضی مسئلهلر نظره آلینیردی.بونلاردان بیری ده دیوارین قالینلیغی